2026-04-15
清明小長假終於到啦！今次同大家整理咗由中山坐高鐵直達嘅多個城市，無論係週末短遊定節日出走，都超適合話走就走嘅旅行。即刻安排，邊個城市最合你心水？
（票價只供參考，實際以購票頁面為準）
中山 ⇄ 珠海
珠海一向被譽為內地最宜居城市之一，絕美海島多不勝數，海鮮美食亦相當有特色。
高鐵：中山 → 珠海（約 26 分鐘）
車次票價參考：C7699 二等座約 30 蚊
必試美食：白蕉海鱸、黃金風鱔、斗門重殼蟹、橫琴蠔、横山鴨扎包、金巢琵琶鴨
景點推介：長隆、東澳島、桂山島、情侶路
中山 ⇄ 衡陽
衡陽除咗有「五嶽」之一嘅衡山之外，仲有超多地道湖南風味小食。
高鐵：中山 → 衡陽東（約 2 小時 29 分鐘）
車次票價參考：G1044 二等座約 282 蚊
必試美食：衡陽魚粉、土頭碗、唆螺
景點推介：衡山、石鼓書院、回雁峰
中山 ⇄ 佛山
佛山充滿濃厚嶺南氣息，武術文化、詠春、醒獅樣樣齊，人文底蘊深厚，市井煙火氣十足。
高鐵：中山 → 佛山西（約 54 分鐘）
車次票價參考：D3666 二等座約 55 蚊
必試美食：雙皮奶、姜撞奶、盲公餅、高明瀨粉、倫教糕、均安蒸豬
景點推介：祖廟、嶺南天地、西樵山、清晖园
中山 ⇄ 武漢
去武漢可以登黃鶴樓欣賞長江景色，行户部巷食熱乾麵，逛東湖綠道、參觀省博物館都好正。
高鐵：中山 → 武漢（約 5 小時 09分鐘）
車次票價參考：G1044 二等座約 549 蚊
必試美食：熱乾麵、三鮮豆皮、鮮魚糊湯粉
景點推介：東湖生態旅遊風景區、黃鶴樓、江漢路步行街+黎黃陂路、昙华林
中山 ⇄ 肇慶
肇慶舊稱端州，係國家歷史文化名城，亦係大灣區連接大西南嘅重要樞紐，山水靚景同廣府文化兼備。
高鐵：中山 → 肇慶（約 1 小時 10分鐘）
車次票價參考：D1888 二等座約 71 蚊
必試美食：裹蒸粽、杏花鸡、西江河鲜、竹篙粉
景點推介：鼎湖山、七星岩、龙母祖庙
中山 ⇄ 岳陽
岳陽歷史底蘊深厚，江湖氣息濃厚，係湖南重要水陸交通樞紐，名勝古蹟同湖湘文化都好有特色。
車次參考：G544、G6108
單程時間：約 4 小時
必試美食：君山蝦餅、岳阳三蒸、岳阳米粉、洞庭銀魚
景點推介：岳陽樓、君山島、洞庭湖 & 巴陵广场 、石牛寨、張谷英村
Whatsapp聯系